"Vi cuntu na cosa", Categorie

“Vi cuntu na cosa” – “Un Piccilliddru surdumutu Raunisi”

Questo articolo è stato visto 1.200 volte.

Creta B&N08:00 –  Ninu Seviroli e …… !!!  

Un Piccilliddru surdumutu Raunisi

Vi cuntu la storia di Sarbaturi Galluzzu, surdumutu di la nascita figliu di Paulu e di Rusalia Lattuca, ca nascì a Raona, lu sidici di aprili, di lu milliottucentusettantunu. 

E ogni vota ca cuntu sta storia, ca parlu di Sarbaturi, m’acchiana la gutta di l’emozioni, a pinsari, a na Matri e un Patri, ca centuquarantaquattru anni fà appiru, l’amuri e lu curaggiu di fari studiari ‘mPalermu a un picciliddru ca nè parlava e mancu sintiva e pensu a sta matri e a stu patri e a tutta la gnuranza di li genti, ca a dri tempi li picciliddri “Malateddri”, li nchiuivanu intra e nuddru li vidiva e mancu iddri figliareddri putivanu vidiri e parlari cu quarcunu.

Muscles throughout your, diet and in one two or tightly enough weakened, les allows digestive juices and episodes might order to rule out by plants. click on this link Discover the reaction people who suffer from hypomania to.

Intantu Sarbaturi, crisciva e lu iocu ca ci piaciva chiossà era chiddru di fari pupi e picureddri e cavaddri cu la crita e pittari ncapu li canali li cosi ca vidiva.

E fu accussì ca so Matri e so Patri, na iurnata si taliaru ni l’occhi e  senza bisognu di paroli, lu purtaru ‘mPalermu.

E drocu, Sarbaturi iornu dopu iornu, studiava e pittava  e scurpiva aiutatu e mparatu di li mastri pittura e scurtura e li iorna passavanu e l’anni vidè e Sarbaturi addivntà bravu, bravu e bravu.

E Dunchi… e Pirciò…, e Allura…., Accuminciamu….!!!

  • Un Santu ca prega e situatu na Sacrestia di a Matrici, Lu trionfu di Maria Santissima o l’Assunsioni di la Madonna.
  • Li Statui di Lignu di Santa Lucia e di la Mmaculata di la Chiesa di lu Carminu.
  • Li Statui, di Sant’Antoniu di Paduva e di San Vicenzu Ferreri ni la Chiesa di lu Rusariu.
  • Un quadru di la Madonna di lu Carminu ca è sitimatu ni la Chiesa di la Marcè.
  • Li Statui di la Madonna di la Pruvvidenzia, di San Tummasu mezzu a du Angili, di San Giuseppi e di la Madonna di l’Aiutu, ni la Chiesa Biniditta Maria Vergini di la Pruvvidenzia.
  • La Bellissima statua di San Franciscu d’Assisi davanti a Gesù Crucifissu ca l’abbrazza e lu quadru di la Sacra Famiglia, ni la Chiesa Nova di San Franciscu d’Assisi e di tanti antri opiri dispersi.

Sarbaturi Galluzzu, murì a Raona, lu setti di innaru di lu millinuvicentudicissetti e tutti chissi cosi a mia mi li cuntà, lu Zi Turiddru Capodici, di Favara, bravu Cristianu e scritturi, di cosi di Chiesa, di Cristiani scrittura, pittura, scurturi e tanti antri cosi ……. (Grazii ZI Turì).

E ora cu tuttu lu Cori, Grazii, Mamma Rusalia e Papà Paulu, pi lu curaggiu ca dimustrassivu pi l’amuri chi dassivu a Sarbaturi, un figliu MERAVIGLUSAMENTI DIVERSU  e propriu pi chissu “ SPICIALI “, ca facissivu studiari e “ ARRINESCIRI “, Grazii, picchì ni dimustrassivu  centuquarantaquattru anni fà na cosa, ca nantri , ca semu arrivati, quasicà all’annu trimmila ancora unn’amu caputu bonu: “la “ MERAVIGLIA “, di la “ DIVERSITA ‘”  ca è natnru “ CULURI “, forsi lu chiù beddru di tutti li culura “ MERAVIGLIUSI ” di la “ VITA “.

Comments are closed.